बुधबार पनि नेप्से परिसूचक घटेको छ।
नेप्से २५.१६ अंकले घटेर २८२१.१३ विन्दुमा झरेको हो।
बुधबार कारोबार रकममा पनि गिरावट आएको छ।
गत कारोबार दिन अर्थात् मंगलबार १२ अर्ब ९४ करोडको सेयर कारोबार भएकोमा बुधबार १० अर्ब ९७ करोडको कारोबार भएको छ।
यो रकम अघिल्लो दिनको तुलनामा १ अर्ब ९७ करोड रूपैयाँ कमी आएको हो।
आज ३०८ वटा धितोपत्रको दुई करोड ३३ लाख ४३ हजार २०१ कित्ता सेयर किनबेच भएको हो।
बुधबार ६२ कम्पनीको सेयर मूल्य बढेको छ भने १७४ वटाको घटेको छ। यस्तै आठ कम्पनीको मूल्य स्थिर रहेको छ।
यसदिन समाज लघुवित्त र गार्डियन माइक्रो लाइफ इन्स्योरेन्सको मूल्य १० प्रतिशतले बढेर सकारात्मक सर्किट लागेको छ।
उक्त कम्पनीहरूको प्रतिकित्ता मूल्य क्रमशः दुई हजार ९६८ रूपैयाँ र एक हजार ५२० रूपैयाँ २० पैसा कायम भएको छ।
यस्तै, उन्नति सहकार्य लघुवित्तको मूल्य ९.९५ प्रतिशतले बढेर प्रतिकित्ता मूल्य एक हजार ९२२ रूपैयाँ कायम भएको छ।
बुधबार ग्रीन डेभलपमेन्ट बैंकको मूल्य सर्वाधिक ६.८४ प्रतिशतले घटेको छ।
उक्त कम्पनीको प्रतिकित्ता मूल्य एक हजार ३६० रूपैयाँमा झरेको छ।
यस्तै, सप्तकोशी डेभलपमेन्ट बैंकको मूल्य ५.५१ प्रतिशतले घटेर प्रति कित्ता मूल्य एक हजार २०० रूपैयाँ कायम भएको छ।
बुधबार हिमालयन रिइन्स्योरेन्स कम्पनीको सर्वाधिक कारोबार भएको छ।
कम्पनीको प्रतिकित्ता मूल्य एक हजार ११५ रूपैयाँमा ९६ करोड ७० लाख रूपैयाँको सेयर कारोबार भएको छ।
सर्वाधिक सेयर खरिद–बिक्री हुने दोस्रो कम्पनीमा नेपाल रिइन्स्योरेन्स रहेको छ। उक्त कम्पनीको प्रतिकित्ता एक हजार ३४५ रूपैयाँमा ९० करोड ३१ लाख बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये व्यापार समूहको परिसूचक ०.४३ प्रतिशतले बढेको छ भने बाँकी सबै समूहको परिसूचक घट्दा समग्र नेप्से घटेको हो।
यसदिन वित्त समूहको परिसूचक सर्वाधिक १.५५ प्रतिशतले घटेको छ।
यस्तै, दोस्रोमा निर्जीवन बीमा समूहको परिसूचक १.५१ प्रतिशतले घटेको छ।
