गत असोज २० गते यता नेप्से परिसूचक निश्चित अंक अन्तरमा रहेर साइडवेज मुभमेन्टमा देखिएको छ।
यो बीचमा नेप्से परिसूचकमा चार वटा सातातिना उतारचढाव देखियो। तर, पनि नेप्से २५८० बाट तल खसेन भने २७९० भन्दा माथि उठेको छैन। अर्थात् करिब एक सय ७५ अंकले घटबढ भइरहेको छ।
सानो अन्तरमा बजार तलमाथि गरिरहेकोले धेरैले यो समयमा न त किन्ने निर्णय गर्न सकिरहेका छन् न त बिक्री गर्ने। त्यसो भए कस्ता लगानीकर्ताले किनबेच गरिरहेका छन् त?
'अहिले बजारमा ठूलो जमात प्रवेश गरेको छैन तर, प्राय: सधै सक्रिय रहनेहरू नै अहिले बजारमा छन्,' सेयर ब्रोकर प्रियराज रेग्मीले भने।
अहिले बजारबाट कमाउनेले सानो पुँजी भएको क्षेत्रमा नै कमाउने गरिरहेका छन्। सानो पुँजी भएका कम्पनी रहेको क्षेत्रमा उतारचढाव पनि धेरै छ। त्यसैले गुमाउँदा पनि यही क्षेत्रमा धेरैले गुमाएको अवस्था छ।
वित्त कम्पनी समूह
गत असोज २० गते यताको तथ्यांक हेर्ने हो भने वित्त कम्पनी समूह घटेको छ।
असोज २० गते ३१३१ मा रहेको यो सूमहको परिसूचक अहिले २८०० आसपास छ। हालसम्मको अवधिमा यो समूहमा करिब १० प्रतिशतले गिरावट छ। यो अवधिमा यो सूचकमा तीनवटा मुख्य उतारचढाव देखियो।
यो उतारचढावको क्रममा बनेका न्यूनतम तहमा किनेर उच्च भएको बेला बेच्नेले १७ देखि २२ प्रतिशतसम्म प्रतिफल पाउन सक्ने अवस्था बनेको देखिन्छ।
यो समूहमा भएको यो अवधिको उतारचढावलाई आधार मानिएको हो। कम्पनी र लगानी समय अनुसार यस्तो प्रतिफलको अवस्था फरक पर्न सक्छ।
जलविद्युत समूह
असोज २० गते जलविद्युत् समूहको परिसूचक ३११७ रहेकोमा अहिले ३८९२ आसपास छ। हालसम्मको अवधिमा यो समूह करिब २५ प्रतिशतले बढेको छ। यो अवधिमा यो सूचकमा चारवटा मुख्य उतारचढाव देखियो।
यो उतारचढावको क्रममा बनेका न्यूनतम तहमा किनेर उच्च भएको बेला बेच्नेले सात देखि १७ प्रतिशतसम्म प्रतिफल पाउन सक्ने अवस्था बनेको देखिन्छ।
यो समूहमा भएको यो अवधिको उतारचढावलाई आधार मानिएको हो। कम्पनी र लगानी समय अनुसार यस्तो प्रतिफलको अवस्था फरक पर्न सक्छ।
विकास बैंक समूह
असोज २० गते विकास बैंक समूहको परिसूचक ५११४ रहेकोमा अहिले ६०६९ आसपास छ। हालसम्मको अवधिमा यो समूह करिब १९ प्रतिशतले बढेको छ। यो अवधिमा यो सूचकमा तीन वटा मुख्य उतारचढाव देखियो।
यो उतारचढावको क्रममा बनेका न्यूनतम तहमा किनेर उच्च भएको बेला बेच्नेले १२ देखि २३ प्रतिशतसम्म प्रतिफल पाउन सक्ने अवस्था बनेको देखिन्छ।
यो समूहमा भएको यो अवधिको उतारचढावलाई आधार मानिएको हो। कम्पनी र लगानी समय अनुसार यस्तो प्रतिफलको अवस्था फरक पर्न सक्छ।
लघुवित्त समूह
असोज २० गते लघुवित्त समूहको परिसूचक ४८३८ रहेकोमा अहिले ५२९६ आसपास छ। हालसम्मको अवधिमा यो समूह करिब १० प्रतिशतले बढेको छ। यो अवधिमा यो सूचकमा तीन वटा मुख्य उतारचढाव देखियो।
यो उतारचढावको क्रममा बनेका न्यूनतम तहमा किनेर उच्च भएको बेला बेच्नेले पाँच देखि ११ प्रतिशतसम्म प्रतिफल पाउन सक्ने अवस्था बनेको देखिन्छ।
यो समूहमा भएको यो अवधिको उतारचढावलाई आधार मानिएको हो। कम्पनी र लगानी समय अनुसार यस्तो प्रतिफलको अवस्था फरक पर्न सक्छ।
जीवन बीमा समूह
असोज २० गते लघुवित्त समूहको परिसूचक १२ हजार दुई सय ७४ रहेकोमा अहिले १३४२७ आसपास छ। हालसम्मको अवधिमा यो समूह करिब १० प्रतिशतले बढेको छ। यो अवधिमा यो सूचकमा चार वटा मुख्य उतारचढाव देखियो।
यो उतारचढावको क्रममा बनेका न्यूनतम तहमा किनेर उच्च भएको बेला बेच्नेले सातदेखि ११ प्रतिशतसम्म प्रतिफल पाउन सक्ने अवस्था बनेको देखिन्छ।
यो समूहमा भएको यो अवधिको उतारचढावलाई आधार मानिएको हो। कम्पनी र लगानी समय अनुसार यस्तो प्रतिफलको अवस्था फरक पर्न सक्छ।
निर्जीवन बीमा समूह
असोज २० गते लघुवित्त समूहको परिसूचक ४८३८ रहेकोमा अहिले ५२९६ आसपास छ। हालसम्मको अवधिमा यो समूह करिब तीन प्रतिशतले बढेको छ। यो अवधिमा यो सूचकमा चार वटा मुख्य उतारचढाव देखियो।
यो उतारचढावको क्रममा बनेका न्यूनतम तहमा किनेर उच्च भएको बेला बेच्नेले दुईदेखि १० प्रतिशतसम्म प्रतिफल पाउन सक्ने अवस्था बनेको देखिन्छ।
यो समूहमा भएको यो अवधिको उतारचढावलाई आधार मानिएको हो। कम्पनी र लगानी समय अनुसार यस्तो प्रतिफलको अवस्था फरक पर्न सक्छ।
