सेयर बजारका सबै सूचक झरे, १८ अर्ब गुमाए लगानीकर्ता


बुधबार सेयर बजारका सबै सूचक झरेका छन्। परिसूचक नेप्से १५ दशमलव ७८ अंकले झरेको छ। आजको कारोबारपछि नेप्से १४४० अंकमा अडेको छ। सेन्सिटिभ सूचक ३ अंकले झरेको छ।

बिमा उपसूचक १६९, होटल २०, बैंकिङ १०, विकास बैंक ११, जलविद्युत ७, उत्पादन २७, अन्य ७ र माइक्रोफाइनान्स उपसूचक २३ अंकले झरे। फाइनान्स र व्यापारको गिरावट १ अंकमुनि रह्यो।

यस दिन सेयर लगानीकर्ताले १८ अर्ब गुमाएका छन्। अघिल्लो दिन १७ खर्ब रहेको बजारको पुँजीकरण बुधबार १६ खर्ब २ अर्बमा झरेको छ। जम्मा ३७ करोड ४८ लाखको कारोबार भयो।

अघिल्ला दिनहरुमा जस्तै कारोबारका आधारमा नेपाल लाइफ इन्स्योरेन्स नै अग्रस्थानमा रह्यो। कम्पनीको ३ करोड ६ लाखको कारोबार हुँदा मूल्य घटेर प्रतिकित्ता १८२१ कायम भएको छ। एभरेष्ट बैंक तथा सानिमा माइ हाइड्रो पनि कारोबारका आधारमा अगाडि रहे।

फरवार्ड माइक्रोफाइनान्सका लगानीकर्ताले ५ प्रतिशत नाफा कमाए। एभरेष्ट इन्स्योरेन्सका लगानीकर्ताले १० प्रतिशत गुमाए। दिव्यश्वर हाइड्रोको मूल्य ५ प्रतिशतले घट्यो। नेपाल इन्स्योरेन्सले साढे ४ प्रतिशत बोनस, मेगाले ९. ४ प्रतिशत बोनस घोषणा गरेका छन्।

Share:

© 2017 Setopati Sanchar Pvt. Ltd.