नेपालको नेतृत्वदायी लक्जरी इभी ब्रान्ड दिपलले आफ्नो पहिलो वर्ष उल्लेखनीय उपलब्धि र महत्त्वपूर्ण कोशेढुंगा हासिल गरेर मनाएको छ।
नेपालमा सार्वजनिक गरेको एक वर्षमै दिपलले आठ सयभन्दा बढी ग्राहकको मन र विश्वास जितेर आफूलाई नेपालको १ नं को लक्जरी इभी ब्रान्डका रूपमा स्थापना गर्न सफल भएको छ।
ग्राहकहरूको साथ र सहयोगबाट एमएडब्लु वृद्धि अटोकर्पले दिपललाई 'इलेक्ट्रिक मोबिलिटी र इनोभेसन'मा आफूलाई स्थापित गरेको हो।
पहिलो वर्ष दिपलले दिपल एस०७, दिपल एल०७, दिपल एस०७ एल र दिपल ई०७ गरी चार प्राविधिक रूपमा उच्च कोटीको इभी मोडेल सार्वजनिक गरेको छ।
यी इभीहरूमा उपलब्ध 'जेस्चर कन्ट्रोल', 'एआर–एचयुडी', 'सनफ्लावर टचस्क्रिन' जस्ता १० भन्दा बढी 'इन्डस्ट्री–फर्स्ट' फिचरहरूको माध्यमबाट दिपलले इभीबाट ग्राहकले गर्ने अपेक्षालाई पुन–परिभार्षित गरेको छ।
एमएडब्लु वृद्धिले हाल नेपालका ९६ भन्दा बढी स्थानमा चार्जिङ स्टेसन सञ्चालन गर्दै आएको छ जुन नेपालकै सबैभन्दा ठूलो सञ्जाल हो।
यसअवधिमा दिपलले नेपालका लोकप्रिय क्रिकेट आइकन तथा पूर्व कप्तान पारस खड्कालाई आफ्नो आधिकारिक 'ब्रान्ड एम्बेस्डर' बनाएको छ भने नीति शाह, सन्दिप क्षेत्री, प्रतिश जिसी, सुशान्त केसी, स्वेता खड्का, जोन चाम्लिङ राई जस्ता देशका ३० भन्दा चर्चित सेलिब्रिटी र खेलाडीले दिपललाई आफ्नो यात्राको साथी बनाएको छ।
कम्पनीका अनुसार दिपलले क्रिकेट लेजेन्ड ब्रायन लारा र बलिउड गायक सोनु निगमलाई पनि नेपालमा ल्याएर ब्रान्डको उपस्थितिलाई माथि पुर्याउनुका साथै नेपाल पनि अन्तर्राष्ट्रिय सहकार्यका लागि गन्तव्य हुनसक्छ भन्ने देखाएको छ।
सार्वजनिक भएको पहिलो वर्षमा एमएडब्लु वृद्धिले चांगान अटोबाट नेपालमा ‘इभी इनोभेसन’मार्फत ‘ग्रिन मोबिलिटी’मा योगदान पुर्याएको भन्दै 'सांग्रिला न्यू इनर्जी अवार्ड' पाएको थियो।
यसबाहेक 'टेकलेख'ले दिपल एस०७ लाई 'एसयुभी अफ द इयर २०२४' बाट सम्मान गरेको थियो।
दोस्रो वर्षमा प्रवेश गरिरहँदा दिपल ब्रान्ड अझै धेरै आफ्नो ग्राहक, प्रविधि र नेपाललाई दीर्घकालिन तथा उत्साहजनक इलेक्ट्रिक भविष्यतिर डो¥याउन प्रतिबद्ध रहेको बताइएको छ।
