नेपालकै ठूलो बाइक उत्सव स्पिड फेस्ट २०२५ शनिबार एलिस रिसेप्सन बालुवाटारमा सम्पन्न भएको छ।
मोटरसाइकल प्रेमीहरूको उत्साहजनक उपस्थिति रहेको यस इभेन्टमा ७० भन्दा बढी सुपरबाइक प्रदर्शनी, ग्रान्ड बाइक र्याली, टेस्ट राइड सेसन, नेपालका चर्चित ब्याण्डहरू द एलिमेन्टस् र रकहेड्स को प्रत्यक्ष सांगीतिक प्रस्तुति लगायत विभिन्न रोमाञ्चक कार्यक्रमहरू समावेश थिए।
उक्त फेस्टमा बजाजको एन २५० मोडल सार्वजनिक गरिएको छ। जसले इभेन्टमा थप आकर्षण थपेको थियो।
त्यसैगरी, यस वर्षको स्पिड फेस्टमा हंसराज हुलासचन्द एण्ड कम्पनीद्वारा वितरित बजाज, केटिएम डुक र ट्रायम्फ ब्रान्डका मोटरसाइकलहरूको विशेष सहभागिता रहेको थियो।
बजाज एन २५०ः शक्ति, प्रदर्शन र नवीनताको प्रतीक
बजाज एन २५० को लन्च स्पिड फेस्ट २०२५ को प्रमुख आकर्षण बन्न सफल रहेको थियो।
यो मोटरसाइकलमा पावर, आधुनिक प्रविधि र परिष्कृत डिजाइनको उत्कृष्ट संयोजन रहेको छ।
बजाज एन २५० मा २४.५ पिएस पावर दिने २४९ सिसी सिंगल–सिलिन्डर, फ्युल–इन्जेक्टेड, आयल–कुल्ड इन्जिन समावेश गरिएको छ।
यसमा डुअल च्यानल एबीएस, सुधारिएको चेसिस, एलइडी हेडलाइट, डिजिटल इन्स्ट्रुमेन्ट क्लस्टर र अपग्रेडेड एग्जस्ट सिस्टम रहेको छ, जसले बाइकलाई थप स्टाइलिस र सुरक्षित बनाउँछ।
बजाज एन २५० को लन्चले बाइकप्रेमीहरूलाई नयाँ प्रविधि र डिजाइनका मोटरसाइकल अनुभव गर्ने अवसर पनि प्रदान गरेको थियो।
स्पिड फेस्ट २०२५ ले मोटरसाइकल संस्कृति प्रवर्द्धन गर्न सफल भएको आयोजकहरूले बताएका छन्।
हंसराज हुलासचन्द एण्ड कम्पनीले भविष्यमा पनि यसरी नै नेपाली बाइकप्रेमीहरूका लागि नवीनतम प्रविधि र रोमाञ्चक इभेन्टहरू ल्याउने प्रतिबद्धता जनाएको छ।
