नेपाली बजारमा ओमोडाका आठ सयभन्दा बढी गाडी बिक्री भएका छन्।
ओमाडा एन्ड जेइको अटोमोबाइल्सका लागि नेपालको आधिकारिक बिक्रेता एसपिजी अटोमोबाइल्सले आठ सय बढी गाडी बिक्री गरेको अवसरमा विशेष कार्यक्रम राखेर उत्सव मनाएको छ।
यो उपलब्धि मनाउन काठमाडौंको उत्तरढोका सोरूममा उत्सव कार्यक्रम आयोजना गरिएको थियो।
कार्यक्रममा प्रतिष्ठित क्रिकेट खेलाडी एवम् ओमाडा एन्ड जेइकोका ब्रान्ड एम्बेसडर दीपेन्द्र सिंह ऐरी उपस्थित भएका थिए।
एसपिजीबाट गौरव शारडा, धिरेन तामाङ, ज्ञानेन्द्र बहादुर चन्द र राजेन्द्र तिमिलसेना लगायतका बिक्रेता कम्पनीका प्रतिनिधिको उपस्थिति थियो।
यो अवसरमा ब्रान्ड एम्बेसडरसँग संवाद गर्ने, ओमाडा एन्ड जेइकोका मोडेलहरू अवलोकन गर्ने र नेपालको सन्दर्भमा ब्रान्डको यात्रा तथा भविष्यबारे जानकारी प्राप्त गर्ने कार्यक्रम राखिएको थियो।
एसपिजी अटोमोबाइल्सले छोटो समयमा यति धेरै गाडी बिक्री गर्नुले ग्राहकहरूको विश्वास बढेको संकेत गर्ने जनाएको छ।
