एमजी मोर्टर्स बहुप्रतिक्षित गाडी एमजी एस ५ ले नेपाली बजारमा पनि प्रवेश पाउने भएको छ।
नेपालका लागि एमजीको आधिकारिक बिक्रेता पारामाउन्ट मोटर्सले यसलाई केही समयमै बिक्री खुला गर्ने जनाएको छ।
अहिले यो गाडी भन्सार यार्डमा आइसेकको बिक्रेता कम्पनीले जनाएको छ।
यो गाडी विश्वकै सबैभन्दा पातलो 'अल्ट्रा थिन' ब्याट्री जडान गरिएको यो गाडी दुई भेरियन्टमा उपलब्ध हुने जनाइएको छ।
पहिलोमा ४९.१ केडब्लुपिएच ब्याट्री छ, जसले एक पटकको चार्जमा ३४० किमि यात्रा गर्न सक्छ।
दोस्रो उच्च भेरियन्टमा ६२.२ केडब्लुपिएच ब्याट्री छ, जसको रेन्ज ४३० किमि पुग्छ।
शून्यदेखि १०० किलोमिटर प्रति घन्टाको रफ्तार मात्र ७.१ सेकेन्डमा प्राप्त गर्ने जनाइएको छ।
यसको अधिकतम गति प्रतिघण्टा १७५ किलोमिटरको छ।
यसमा स्मार्ट सिस्टम जडान गरिएको छ। जसले अन्य एपहरू चलाउन सहयोग पुग्ने जनाइएको छ।
१२.८ इन्चको ठूलो टचस्क्रिन, १०.२५ इन्चको डिजिटल डिस्प्ले र उच्च भेरियन्टमा प्यानोरामिक सनरूफ जस्ता विशेषताहरू यो गाडीमा समेटिएका छन्।
नेपालमा विद्युतीय गाडीप्रति चासो बढिरहेका बेला एमजी एस५ लोकप्रिय हुने अनुमान गरिएको छ।
यसको मूल्य र बुकिङ खुल्ने मिति छिट्टै सार्वजनिक गरिने पारामाउन्ट मोटर्सले जनाएको छ।
