दिगो क्लिन इनर्जीका अध्यक्ष राजन रायमाझीले आजकै दिनमा इभी लिएर देशभरि पुग्न सकिने बताएका छन्।
शुक्रबार काठमाडौंको सोल्टी होटलमा सेतोपाटीले आयोजना गरेको कन्क्लेभमा बोल्दै रायमाझीले इभी लिएर देशभर निर्धक्क भएर पुग्न सकिने बताएका छन्।
उनले दिगो क्लिन इनर्जीले नेपालमा सात वर्षअघि नै फास्ट चार्जिङ प्रविधि ल्याएको बताएका हुन्।
'आजकै दिनमा इभी लिएर नेपालभर निर्धक्क पुग्न सकिन्छ। सात वर्ष अघि नै नेपालमा फास्ट चार्जिङ प्रविधि दिगोले राखेको थियो। सम्भवत पहिलो फास्ट चार्ज हुनुपर्छ। पछि बिग्रियो,' उनले भने।
