उपप्रधानमन्त्री एवं अर्थमन्त्री विष्णुप्रसाद पौडेलले सरकारले विद्युतीय सवारीसाधनलाई अझै प्रोत्साहन गर्ने बताएका छन्।
शुक्रबार काठमाडौंको सोल्टी होटेलमा सेतोपाटीले गरेको इभी कन्क्लेभमा बोल्दै प्रमुख अतिथिसमेत रहेका अर्थमन्त्री पौडेलले सरकारले इभीलाई प्रोत्साहन गर्दै आएको र अझै प्रोत्साहन गर्ने प्रतिबद्धता जनाए।
‘इभीलाई अझै प्रमोट गर्नुपर्छ। सरकारले अहिलेसम्म लिएका नीति ठिकै छन्,’ उनले भने, ‘विद्युतीय सवारी प्रयोगलाई अझै प्रोत्साहन गर्छौं।’
उनले यसका लागि निजी क्षेत्रसँग पनि सहकार्य गरिने बताए।
