नेपालका लागि टाटा मोटर्सको एकमात्र अधिकारिक वितरक सिप्रदी ट्रेडिङले टियागो इभी मन्सुन एक्सचेन्ज मेला आयोजना गरेको छ।
मनसुन एक्सचेन्ज मेलामा जुनसुकै ब्राण्डका पुराना गाडीहरूसँग टाटाको टियागो इभी साट्न सकिनेछ।
ग्राहकको परिवर्तित जीवनशैली र अत्याधुनिक सवारी प्रतिको रुचि तथा चाहनाहरूलाई मध्यनजर गर्दै टाटा मोटर्सको सोरूम थापाथली लगायत देशैभरी रहेका सोरूमहरूमा असार २१ गतेदेखि २३ गतेसम्म एक्सचेञ्ज कार्यक्रम आयोजना गर्न लागिएको हो।
यस मेलामा सहभागी भएर ग्राहकहरूले आकर्षक एक्सचेन्ज बोनस, निःशुल्क अटोप्लस इन्स्योरेन्स, निःशुल्क २ आर्थिक वर्षको सवारी कर, एक्सेसरिज र ३ वर्षको निःशुल्क सर्भिसिङ सुविधाहरूको फाइदा लिन सक्नेछन्।
साथै टेस्ट ड्राइभ र बुकिङमा स्योर सट गिफ्टहरू पनि पाउन सक्नेछन्। अफर मनसुन एक्सचेन्ज मेला (३ दिन)का लागि मात्र लागु हुनेछ।
ग्राहकहरूको समयलाई ध्यानमा राख्दै मेला बिहान ९ बजेदेखि राति ९ बजेसम्म हुनेछ।
