जिएसी मोटर्स नेपाली बजारमा आफ्नो आधिकारिक बिक्रेता सिजी मोटर्स मार्फत प्रवेश गरेको छ।
उच्च गुणस्तर, नवप्रवर्तन र अत्याधुनिक प्रविधिको लागि विश्वभरी ख्यातिप्राप्त जिएसी मोटर्सले आफ्नो नयाँ आयोन वाई एसयुभीको नेपाली बजारमा सार्वजनिक गर्दै आफ्नो उपस्थितिलाई विस्तार गरेको छ।
जिएसी मोटर्स चीनको अटोमोबाइल ब्राण्ड गुणस्तर र्यांकमा नम्बर १ मा परेको कम्पनीको दाबी छ।
उक्त ब्राण्डले युएइमा 'उत्तम चिनियाँ अटोमोबाइल ब्राण्ड' र नाइजेरियामा 'अटोमोबाइल इन्टरप्राइज अफ द इयर' जस्ता अन्तर्राष्ट्रिय पुरस्कारहरू प्राप्त गरेर आफ्नो प्रतिष्ठा स्थापित गरेको छ।
अब, जिएसी मोटर्सले आयोन वाईमार्फत् नेपाली बजारमा ड्राइभिङ अनुभवमा परिवर्तन ल्याउन तयारी गरेको छ र ग्राहक सन्तुष्टिलाई पहिलो प्राथमिकतामा राखेर नेपाली ग्राहकहरूको मन जित्ने विश्वास राखेको बताएको छ।
जिएसी मोटर्सले नेपाली बजारमा नयाँ मापदण्डहरू स्थापित गरी ड्राइभिङ अनुभवलाई नयाँ उचाइमा पुर्याएको बताइएको छ।
