रेनो मोटर्सको नेपालका लागि आधिकारिक वितरक एडभान्सड अटोमोबाइल्सले 'सुपर डुपर प्राइस डिलाइट' अभियानको शुभारम्भ गरेको छ।
गत चैत ७ गते यो अभियानको सुरूवात गरिएको छ भने जेठ ११ गतेसम्म लागु हुने कम्पनीले जनाएको छ।
यस अभियानमा टप–सेलिङ रेनो मोडलहरू छन्, जसमा क्विड आरएक्सटी '०' एमटी, किगर आरएक्सई एमटी र ट्रिबर आरएक्सएल समावेश छन्।
यो विशेष अफर अन्तर्गत ग्राहकहरूलाई उल्लेखित मोडेलहरूमा अविश्वसनीय छुट प्राप्त गर्ने अवसर प्रदान गरिएको कम्पनीको भनाइ छ।
क्विड आरएक्सटी '०' एमटीको मूल्य १८ लाख ९९ हजार रूपैयाँमा प्राप्त गर्न सकिनेछ। साथै, किगर आरएक्सई एमटीको मूल्य २६ लाख ९९ हजार रूपैयाँ र ट्रिबर आरएक्सएलको मूल्य २१ लाख ९९ हजार रूपैयाँमा प्रदान गरिएको छ।
कम्पनीका अधिकारिक प्रतिनिधि भन्छन्, '२०८१ नयाँ वर्षको रेनो उल्लासमय अफरको रूपमा, हामी यस्तो आकर्षक अभियान प्रस्तुत गर्न खुशी छौं। हामी विश्वास गर्दछौं कि यो अफरले रेनो गाडिहरू किन्न इच्छुक ग्राहकहरूको आवश्यकताहरूलाई पूरा गर्नेछ।'
