नेपालका लागि टाटा मोटर्स्को आधिकारिक बिक्रेता सिप्रदी ट्रेडिङ्ग प्रा.लि. को सह–कम्पनी सिप्रदी अस्योर्ड प्रालिले गाडीहरुको बृहत अक्सन मेला आयोजना गर्ने भएको छ ।
उक्त अक्सन मेला यही जेठ ११ र १२ गते, सिप्रदी अस्र्योड प्रा.लि, थापाथलीमा बिहान १० बजेदेखि बेलुकी ६ बजेसम्म आयोजना हुने कम्पनीले जनाएको छ । नेपालमा पहिलो पटक आयोजना हुन लागेको यस अक्सन मेलामा विभिन्न ब्राण्डका ६० भन्दा बढी ब्राण्डेड गाडीहरु समावेश हुनेछन् ।
सेकेण्ड ह्याण्ड गाडीहरुको बिक्री वितरण तथा सट्टापट्टा गर्दै आएको सिप्रदी अस्र्योडद्वारा आयोजित यस मेलामा ग्राहकहरुले आफूलाई मन परेको वा आवश्यक गाडीको अधिकतम बोली लगाई उक्त गाडीलाई आफ्नो बनाउन सक्नुहुने कम्पनीले जनाएको छ।
ग्राहकहरुको सुविधालाई मध्यनजर गर्दै सिप्रदी अस्र्योडद्वारा आयोजित उक्त अक्सन मेलामा वारेण्टी सहित गाडीहरुको नामसारी पनि गरिनेछ ।
