शेष घले नेतृत्वको उच्चस्तरीय समितिले आयोजना गरेको गैरआवासीय नेपाली संघ(एनआरएनए) को एकता महाधिवेशन सुरु भएको छ।
काठमाडौंको हायात होटलमा सुरू भएको महाधिवेशनको परराष्ट्रमन्त्री आरजु राणा देउवाले उद्घाटन गरेकी छन्।
उद्घाटन समारोहमा बोल्दै परराष्ट्र मन्त्री आरजु राणा देउवाले एनआरएनएलाई राजनीति भन्दा बाहिर राख्नुपर्ने बताइन्।
‘हाम्रो मन्त्रालय सहजकर्ता मात्र हो। हामीले यसो गर्नुस र उसो गर्नुस् भन्न मिल्दैन। मैले सहजीकरणका लागि अझै प्रयास गर्छु,’ उनले भनिन्, 'हामीले एउटा मात्र एनआरएनएलाई मात्र चिन्छौं।त्यही भएर सबै मिल्न सक्नुपर्छ।’
उनले राम्रो र स्विकार्य नेतृत्व चयन गर्न समेत सुझाव दिइन्।
कार्यक्रममा बोल्दै पूर्वप्रधानमन्त्री बाबुराम भट्टराइले राजनीतिक पार्टीको आबद्धता लिए पनि नेपालबाहिर यसको प्रभाव पर्न नहुने बताए। उनले संविधान अनुसारको एनआरएनए नागरिकता दिनपर्ने समेत बताए।
