म्याग्दीको प्रमुख पर्यटकीयस्थल घोरेपानीका होटलहरू आगामी पुस १ गतेदेखि खुल्ने भएका छन्।
कोरोना भाइरस (कोभिड–१९) को सम्भावित जोखिम बढ्दै गएपछि ९ महिनादेखि बन्द भएका अन्नपूर्ण गाउँपालिका–६ घोरेपानीका होटल तथा रेष्टुरेन्टहरु आवश्यक सुरक्षा मापदण्ड अपएर सञ्चालन हुन लागेका हुन्।
पर्यटन ब्यवसायी टेकसर बुदुजा पुनका अनुसार घरायसी रुपमा चलाइएका बाहेक अन्य होटलका मजदुरसमेत होटलमा फर्किन थालेपछि आन्तरिक तथा बाह्य पर्यटकका लागि खुल्ला गर्ने निर्णय भएको हो।
उनका अनुसार घोरेपानी तथा आसपासका क्षेत्रमा रहेका होटल ब्यवसायीले लामो समयसम्म बन्द हुँदा थप संकटमा पर्ने भएकाले नेपाल सरकारले तोकेको नियम अनुसार सबै मापदण्डको पालना गरिने बताए। चिसो मौसममा पर्यटकको आगमन न्यून हुने भएपनि हिमपातमा रमाउन आन्तरिक पर्यटकहरुको चाप बढ्ने पर्यटन ब्यवसायीको अनुमान छ।
लामो दूरीका सवारीसाधन, आन्तरिक तथा बाह्य हवाइ उडानमा यात्रुको चहलपहल हुन थालेपछि पर्यटन ब्यवसायपनि चलायमान हुन थालेका हुन्।
कोरोनाको महामारी नसकिएको अवस्थामा अन्नपूर्ण गाउँपालिकाले पर्यटकमार्फत कोरोना भित्रन सक्ने कारण देखाउँदै गाउँपालिकाभित्रका पर्यटकीयस्थलमा आवतजावतमा रोक लगाएको थियो।
समुन्दी सतहदेखि ३ हजार २ सय १० मिटरको उचाईमा रहेको पुनहिलबाट मनोरम हिमश्रृखला, सुर्योदयको अवलोकनका साथै मगर जातीको संस्कृती र रहनसहन, विविध प्रजातीका पशुपंक्षी,वनस्पती यहाँको प्रमुख आर्कषण मानिन्छन्।
जिल्लामा भित्रिने पर्यटकको कुल संख्या मध्ये घोरेपानीमा ६० देखी ७५ प्रतिशत पर्यटक अन्नपुर्ण पदमार्ग अन्र्तरगत घोरपानी, पुनहिलमा पुग्ने गरेका छन्।
-1742801159.jpg)
