अर्घाखाँचीमा प्रतिनिधि सभामा नेकपा एमालेका उम्मेदवार टोपबहादुर रायमाझीको जित सुनिश्चित भएको छ।
उनको जित सुनिश्चित भएपनि मुख्य निर्वाचन अधिकृतको कार्यालयले भने समानुपातिक प्रणालीको मतपेटिका गणना सकेपछि मात्रै घोषणा गर्ने तयारी गरेको छ।
निर्वाचन आयोगका अनुसार टोपबहादुरले ४२ हजार ६७५ मत पाएका छन्।
उनका प्रतिस्पर्धी नेपाली कांग्रेसका पुष्पा भुसाल (गौतम) ले भने ४० हजार ९४५ मत प्राप्त गरेकी छन्।
उनीहरूबीच एक हजार ७३० मतको अन्तर देखिएको छ। आधिकारिक रूपमा घोषणा भइनसकेको हुँदा मतमा केही परिवर्तन आउन सक्ने निर्वाचन अधिकृतको कार्यालयले जनाएको छ।
