तीज गीत 'माछी' सार्वजनिक गरिएको छ।
बिहीबार काठमाडौंमा आयोजित कार्यक्रमकाबीच रिलिज गीतमा शान्तिश्री परियार र समीक्षा अधिकारीले स्वर दिएका छन्।
भिडिओमा प्रियंका कार्की, लोमश शर्मा, कविता नेपाली र अनु परियारले नृत्य गरेका छन्।
गीत रिलिज कार्यक्रममा शुभकामना दिन निर्देशक एवं अभिनेत्री दीपाश्री निरौला समेत पुगेकी थिइन्।
लोमश शर्माको प्रस्तुति एवं भिडिओ निर्देशन रहेको गीतमा पुरूषोत्तम गैरेको शब्द एवं संगीत छ।
यसलाई कविराज गहतराजले कोरियोग्राफी, नवराज उप्रेतीले छायांकन एवं मनोज कार्कीले सम्पादन गरेका हुन्।
आयोजित समारोहमा लोकश शर्माको प्रस्तुति रहेको अघिल्लो गीत 'गोर्खे खुकुरी' को सफलताको सेलिब्रेसन समेत गरिएको थियो।
यो गीतले ५ महिनाको अवधिमा युट्युबमा ४ करोड २७ लाख बढी भ्युज पाएको छ।
यसमा निश्चल दवाडी र शान्तिश्री परियारको स्वर छ।
