गायक हेमन्त शर्माले नयाँ गीत सार्वजनिक गरेका छन्।
आइतबार आफ्नै युट्युबमार्फत 'मुस्ताङतिर चल्दिम यार' बोलको गीत सार्वजनिक गरेका हुन्। यसमा हेमन्तकै शब्द, कम्जोज र स्वर छ। गीतलाई राकेश सोनीले एरेन्ज गरेका छन्।
आधुनिक रोमान्टिक प्याटनको यो गीत लोक फ्लेवरमा छ।
भिडिओमा सुन्दर एसडीएस र जुना विश्वकर्मासहित हेमन्त स्वयंम समेत फिचर्ड छन्।
जुना भिडिओमा जमिरहेकी मोडल हुन् भने सुन्दरको यो पहिलो भिडिओ हो। हेमन्तका अनुसार स्याङजा घर भएका सुन्दर भारतको नयाँ दिल्ली बस्दै आएका छन्।
टिकटक र रिल्समा देखिइरहने उनको नृत्य आफूलाई मनपर्ने भएकाले काठमाडौं बोलाएर सहकार्य गरेको हेमन्तले बताए।
हेमन्तकै कन्सेन्टमा बनेको भिडिओको कोरियोग्राफी सुन्दरले नै गरेका छन्।
भिडिओलाई पवन सुस्लिङले छायांकन एवं सम्पादन गरेका हुन्। शम्भु श्रेष्ठ भिडिओका निर्माता हुन्।
भिडिओः
