राष्ट्रिय लोक तथा दोहोरीगीत प्रतिष्ठानकी अध्यक्ष रिता थापा मगरको गीत 'ए आमा जाम भन्यो मलाई' ले स्रोता–दर्शकबाट राम्रो प्रतिक्रिया पाएको छ।
दुई दशकअघि मादल र तालीको सहारामा विभिन्न कार्यक्रमहरूमा प्रस्तुत गर्दै आएको गीतलाई उनले केही परिमार्जन गरेर भिडिओसहित सार्वजनिक गरेकी थिइन्।
उनको एकल स्वर रहेको गीतलाई एक सातामा युट्युबमा १० लाख हाराहारीले हेरिसकेका छन्। केही दिनयता गीत युट्युब ट्रेन्डिङमा संगीततर्फ दोस्रो स्थानमा छ। फेसबुक रिल्स र टिकटकमा समेत गीतको चर्चामा छ।
गायिका रिताले गीतलाई लिएर सोचेको भन्दा राम्रो प्रतिक्रिया पाइरहेको बताइन्। 'यसरी रूचाइएला भन्ने थिएन,' उनले भनिन्, 'बुढापाकादेखि बालबालिकासम्मले गीतलाई मन पराएको देख्दा एकदमै खुशी लागेको छ।'
रिताले एक वर्षपछि अफिसियल रूपमा यो गीत ल्याएकी हुन्। एकनारायण भण्डारीको शब्द रहेको गीतमा रिताकै संगीत छ। यसको भिडिओमा प्रकाश सपुत र सनिशा भट्टराई प्रस्तुत छन्।
मौसम हिमालीले भिडिओको कोरियोग्राफी एवं निर्देशन गरेका हुन्। यसमा बुद्द थापाको छायाँकन, मनोज कार्कीको सम्पादन छ।
भिडिओः
