भारतीय टिभी कार्यक्रम (सिरियल) 'साथ निभाना साथिया' को संवाद यति बेला इन्टरनेटमा भाइरल बन्दै छ। रोचक कुरा यो हो कि, त्यो डायलग 'र्याप म्यासअप' बनेपछि भाइरल भएको हो।
सिरियलको एक दृश्यमा त्यहाँका सासूबुहारी पात्र कोकिला, गोपी र राशीबीचको संवादलाई संगीत निर्माता यशराज मुखटेले गीतमा रुपान्तरण गरे। जसमा उनले आफैं संगीत भरेर म्यासअप बनाएका द इन्डियन एक्सप्रेसले लेखेको छ।
दृश्यमा कोकिलाको डायलगलाई र्यापमा रुपान्तरण गरिएको छ। डायलगअनुसार त्यहाँ कोकिलाले 'खाली प्रेसर कुकर कसले ग्यास चुलोमाथि राख्यो' भनेर सोधेकी छन्। वास्तविक सिरियलको दृश्यमा कोकिलाले राशीसँग कुकुर कसरी पड्कियो भन्ने विषयको सोधपुछ गरिरहेकी हुन्छिन्।
इन्डिया टिभीका अुनसार यो भिडिओ यति भाइरल भएको छ कि 'साथ निभाना साथिया' कार्यक्रम निर्माता रश्मी शर्माले समेत आफ्नो इन्स्टाग्राममार्फत 'कौन था' भन्दै भिडिओ सेयर गरेकी छिन्।
उनीसँगै संगीत निर्माता यशराज मुखटेलाई अभिनेता अनुराग कश्यप, तापसी पन्नु, कार्तिक आर्यन लगायतले उनको कामको प्रशंसा गरेका छन्।
यो 'र्याप म्यासअप' भिडिओ यशराज मुखटेको आधिकारिक युट्युब च्यानलमार्फत दुई साताअघि सार्वजनिक गरिएको थियो। हालसम्म भिडिओमा ३ करोड ५३ लाख बढी भ्युज पुगिसकेको छ भने यट्युबको ट्रेन्डिङमा समेत आइसकेको छ।
यशराजको नयाँ अडिओमा भिडिओ बनाउनेहरू बढिरहेका छन्।
