प्रेमी हिमांश कोहलीसँगको प्रेम टुटेपछि डिप्रेसनमा पुगेकी चर्चित गायिका नेहा कक्कड पुनः प्रेममा परेको चर्चा चलेको छ। उनको एक गायकसँग नयाँ प्रेम सम्बन्ध सुरू भएको बताइन्छ।
खबरका अनुसार नेहाले इण्डियन आइडलका एक प्रतियोगी विभोर पाराशरसँग डेटिङ गरिरहेकी छिन्। सामाजिक संजालमा दुबैको एकसाथ तस्वीर आउन थालेपछि उनीहरूबिच प्रेम रहेको सार्वजनिक भएको हो।
हालै उनीहरू दुबैलाई एक कार्यक्रममा एकसाथ देखिएको थियो। सोही कार्यक्रमका सार्वजनिक भएका केहि तस्वीरहरूका कारण उनीहरू प्रेममा परेको अनुमान सुरू भएको हो।
दुई जनाको प्रेमको चर्चा चल्न सुरू भएको भएपनि विभोरले भने यसलाई कोरा हल्ला भनेर नकारेका छन्।
'मान्छेहरूको मानसिक्ता घिनलाग्दो छ। कसेले तपाईको करियर बनाइदिदैछ भने तपाईं भित्र केही दक्षता भएर हो', उनले भने', ' म उनलाई इन्स्टाग्राममा दिदी भनेर ट्याग गर्दिन, त्यसैले मानिसहरूले उ मेरो गर्लफ्रेण्ड हो भन्न लागेका छन्।'
यस बारेमा नेहाको भने कुनै प्रतिक्रिया सार्वजनिक भएको छैन।
