भारतीय अभिनेता अतुल परचुरेको निधन भएको छ।
५७ वर्षीय अतुलको सोमबार क्यान्सरका कारण निधन भएको हो।
अतुल गत वर्षदेखि नै उनी क्यान्सरले ग्रस्त थिए।
'द कपिल शर्मा शो' मा पनि देखिएका अतुलले 'खट्टामिठ्ठा' 'पार्टनर', 'बिल्लु' जस्ता तीन दर्जनभन्दा बढी फिल्ममा अभिनय गरिसकेका छन्। उनले मराठी फिल्ममा समेत काम गरेका छन्।
गत वर्ष उनको कलेजोमा क्यान्सर भएको पत्ता लागेको थियो।
उनकी श्रीमती सोनिया र उनका एक छोरा छन्।
