बलिउड अभिनेता शाहिद कपूर र अभिनेत्री कियारा अडवानी अभिनीत फिल्म 'कबीर सिंह' सुपरहिट फिल्मको सूचीमा सामेल छ।
सन् २०१९ मा प्रदर्शन भएको फिल्मले शाहिद र कियाराको करियरमा फलदायी सावित भयो। कबीर सिंहपछि कियारा टप अभिनेत्रीमा सामेल भइन्। यस फिल्मपछि कियाराले पछाडि फर्किएर हेर्नु परेको छैन। तर यस फिल्मको लागि कियारा पहिलो रोजाइ थिइनन्।
कियारा भन्दाअघि यो फिल्म मानुषी छिल्लरलाई प्रस्ताव गरिएको थियो। तर उनले मिस वर्ल्डको तयारीमा लाग्नु पर्ने भएपछि फिल्म छाडेकी थिइन्।
मानुषी छिल्लरले 'सम्राट पृथ्वीराज, द ग्रेट इन्डियन फ्यामेली, अपरेशन भ्यालेन्टाइन र बडे मियाँ छोटे मियाँ' लगायत फिल्ममा काम गरिसकेकी छन्। तर उनका फिल्मले बक्स अफिसमा खासै राम्रो कमाइ गर्न सकेको छैन।
कबीर सिंहलाई सन्दीप वांगा रेड्डीले निर्देशन गरेका थिए। यो फिल्म तेलुगु फिल्म अर्जुन रेड्डीको रिमेक हो। जसलाई सन्दीप वांगा रेड्डीले नै गरेका थिए।
अभिनेत्री कियारा हाल 'डन ३' र 'वार २' को तयारीमा छिन्।
