दक्षिण भारतीय अभिनेता जुनियर एनटिआर र अभिनेत्री जान्हवी कपूर अभिनीत फिल्म 'देवरा' ले बक्स अफिसमा राम्रो कमाइ गरिएको छ।
भारतीय सञ्चारमाध्यम इन्डिया टुडेका अनुसार विश्वभरबाट २ दिनमा २४३ करोड भारू कमाएको छ। भारतमै मात्र फिल्मले १२२ करोड ५ लाख भारू कमाएको हो।
८२ करोड ५० लाख भारूमा ओपनिङ गरेको फिल्मले दोस्रो दिनमा ४० करोड भारू कमाएको हो।
कोरताला शिवा निर्देशित फिल्ममा एनटिआर र जान्हवीसँगै श्रुति मराठे, प्रकाश राज, श्रीकान्त, सैफ अली खानलगायत कलाकारको अभिनय छ। यसै फिल्मबाट जान्हवीले दक्षिण भारतीय फिल्ममा डेब्यू गरेकी हुन्।
