बलिउड अभिनेता कार्तिक आर्यन अभिनीत फिल्म 'भूल भुलैया ३' को टिजर सार्वजनिक भएको छ।
शुक्रबार टि-सिरिज युट्युब च्यानलमार्फत फिल्मको टिजर सार्वजनिक गरिएको हो। सार्वजनिक टिजरमा मञ्जुलिका फर्किएको देखाइएको छ। 'भूल भुलैया' मा मञ्जुलिकासँग अक्षय कुमार लडेका थिए भने यस फिल्ममा कार्तिक आर्यन लड्ने छन्।
सन् २००७ मा प्रदर्शन भएको फिल्म 'भूल भुलैया' मा विद्या बालन मञ्जुलिका बनेकी थिइन् भने अक्षय कुमार डाक्टर आदित्य। प्रियदर्शनले निर्देशन गरेको फिल्मलाई दर्शकले खुब रूचाएका थिए।
सन् २०२२ मा प्रदर्शन भएको फिल्म 'भूल भुलैया २' मा कार्तिक आर्यनले अक्षय कुमारको ठाउँ लिएका थिए। अनीस बज्मी निर्देशित फिल्ममा तब्बूले चुडेलको भूमिका निर्वाह गरेकी थिइन्।
अनीस बज्मी निर्देशित फिल्म 'भूल भुलैया ३' मा कार्तिक आर्यन, विद्या बालन, तृप्ति डिमरी, माधुरी दीक्षित, राजपाल यादवलगायत कलाकारको अभिनय छ।
यो फिल्म नोभेम्बर १ देखि प्रदर्शन हुनेछ।
