बलिउड अभिनेता कार्तिक आर्यन अभिनीत फिल्म 'भूल भुलैया ३' को फर्स्ट लुक पोस्टर सार्वजनिक भएको छ।
बिहीबार सार्वजनिक गरिएको पोस्टरमा रूह बाबा र चुडेल मञ्जुलिकालाई आमेन्ने सामुन्ने देख्न सकिन्छ। अभिनेता कार्तिकले उक्त पोस्टर आफ्नो इन्स्टाग्राम अकाउन्टमार्फत सार्वजनिक गरेका हुन्।
'रूह बाबा भर्सेस मञ्जुलिका। यस दिवालीमा तयार हुनुस्', उनले लेखेका छन्।
'भूल भुलैया ३' लाई लिएर लामो समयदेखि चर्चा भइरहेको छ। फिल्मको पोस्टरले दर्शकमाझ अझै उत्सुकता बढाएको छ।
अनीस बज्मी निर्देशित फिल्ममा कार्तिक आर्यन, विद्या बालन, तृप्ति डिमरी, माधुरी दीक्षित, राजपाल यादवलगायत कलाकारको अभिनय छ।
यो फिल्म नोभेम्बर १ देखि प्रदर्शन हुनेछ।
