भारतीय कमेडियन मुनव्वर फारूकीले मुम्बईमा ६ करोडको अपार्टमेन्ट किनेका छन्।
भारतीय सञ्चारमाध्यम दैनिक भास्करका अनुसार उनको अपार्टमेन्ट वडालामा छ। हाल उनको अपार्टमेन्टमा कन्स्ट्रक्सनको काम चलिरहेको छ। यो अपार्टमेन्ट १,७६७.९७ स्क्वायर फुटमा फैलिएको छ। योसँगै मुनव्वरले तीन कार पार्किङको स्पेस पाएका छन्।
मुनव्वरले १६ सेक्टेम्बरमा अपार्टमेन्ट किनेका हुन्। उनले अपार्टमेन्ट रजिस्ट्रेशनका लागि ३० हजार भारू तिरेका थिए।
मुनव्वर स्टान्ड अप कमेडीबाट चर्चामा आएका हुन्। उनी 'बिग बोस १७' का विजेता समेत हुन्। शो जितेपछि उनले ५० लाख भारू जितेका थिए। त्यस्तै शोमा सहभागी भए वापत उनले हरेक हप्ता ७/८ लाख भारू पारिश्रमिक पाउँथे।
