फरहान अख्तरको निर्देशनमा बन्ने फिल्म 'डन ३' छिट्टै छायांकनमा जादैछ।
फिल्ममा अभिनेता रणवीर सिंह र अभिनेत्री कियारा आडवाणीको मुख्य भूमिका रहनेछ। रणवीरले 'डन ३' को तयारी सुरू गरिसकेका छन्।
रितेश शिधवानी र फरहान अख्तरले निर्माण गर्न लागेको फिल्म २०२५ मा रिलिज हुनेछ।
शाहरूख खानको स्थानमा रणवीर सिंह अनुबन्धित भएसँगै शाहरूखका फ्यान निराश भएका छन्। रणवीरले शाहरूखको जस्तो अभिनय गर्न नसक्ने उनीहरूको तर्क छ।
फरहान अख्तरले अमिताभ बच्चन, शाहरुख खान र एक नयाँ अभिनेतालाई लिएर फिल्म बनाउने योजना बनाएका थिए। तर, अख्तरको तीन पुस्ता लिएर फिल्म बनाउने योजना शाहरुखलाई मन नपरेको बताइएको छ।
'डन' र 'डन २' मा अभिनेता शाहरूख खानले अभिनय गरेका थिए। उनको केही संवाद निकै चर्चित भएको थियो।
