बलिउड अभिनेता राजकुमार राव र श्रद्धा कपूर अभिनीत 'स्त्री २' भारतीय बक्स अफिसमा धेरै कमाउने हिन्दी फिल्म बनेको छ।
भारतीय सञ्चारमाध्यम हिन्दुस्तान टाइम्सका अनुसार शाहरूख खान अभिनीत फिल्म 'जवान' को कमाइलाई उछिन्दै यसले रेकर्ड राखेको हो।
१५ अगस्तमा रिलिज भएको फिल्म 'स्त्री २' ले हिन्दी संस्करणमा ५८६ करोड भारू कमाएको छ। 'जवान' लाई ५८४ करोड भारू कमाउन पाँच साता लागेको थियो। 'स्त्री २' ले भने ३४ दिनमै यो उपलब्धि हासिल गरेको हो।
अमर कौशिकले निर्देशन गरेको फिल्ममा राजकुमार र श्रद्धासँगै पंकज त्रिपाठी, अभिषेक बनेर्जी, अपारशक्ती खुरानालगायत कलाकारको अभिनय छ।
सन् २०१८ मा प्रदर्शन भएको फिल्ममा श्रद्धाले भूतनीको भूमिका निर्वाह गरेकी थिइन्।
