बलिउड अभिनेत्री आलिया भट्ट अभिनीत फिल्म 'जिगरा' को गीत सार्वजनिक भएको छ।
मंगलबार सारेगम म्यूजिक युट्युब च्यानलमार्फत 'चल कुडिएं' बोलको गीत सार्वजनिक गरिएको हो। सार्वजनिक गीतमा आलिया भट्ट र दिलजीत दोसाँझको स्वर छ। गीतको भिडिओमा पनि उनीहरू दुवै जना देखिएका छन्।
हर्मनजीत सिंहको शब्द रहेको गीतमा मनप्रित सिंहले संगीत भरेका छन्। भसन बालाले निर्देशन गरेको फिल्ममा आलिया भट्ट र वेदांग रैनाको मुख्य भूमिका छ।
यस फिल्ममा आलिया सह-निर्माताको रूपमा पनि देखिएकी छन्। यो फिल्मको कथा बास्केटबल खेलाडी बारेमा हुनेछ। फिल्मको लागि आलियाले बास्केटबल सिकेकी छन्।
यो फिल्म ११ अक्टोबरदेखि प्रदर्शन हुनेछ।
