बलिउड अभिनेता शाहरूख खान अभिनीत फिल्म 'वीर जारा' पुन: प्रदर्शन भएको छ।
२० वर्षअघि प्रदर्शन भएको फिल्मले बक्स अफिसमा राम्रो कमाइ गरेको थियो। भारतीय सञ्चारमाध्यम आजतक अनुसार फिल्मले तीन दिनमा १ करोड १० लाख भारू कमाएको छ। २५ लाख भारूमा ओपनिङ गरेको फिल्मले दोस्रो दिन ४० लाख र तेस्रो दिन ४५ लाख भारू कमाएको हो।
सन् २००४ मा प्रदर्शन भएको फिल्मले ९५ लाख भारू कमाएको थियो। यश चोपडाले निर्देशन गरेको फिल्ममा शाहरूखसँगै प्रिति जिन्टा, रानी मुखर्जी, अमिताभ बच्चन, मनोज बाजेपी, अनुपम खेर, दिव्या दत्ता, हेमा मालिनी, किरण खेरलगायत कलाकारको अभिनय छ।
