बलिउड अभिनेता सिद्धार्थ र अभिनेत्री अदिति राव हैदरी विवाह गरेका छन्।
भारतीय सञ्चारमाध्यम दैनिक भास्करका अनुसार उनीहरूले श्रीरंगपुर मन्दिरमा विवाह गरेका हुन्। तेलंगानाको वानापर्थीस्थित ४०० वर्ष पुरानो मन्दिरमा उनीहरूको विवाह भएको हो।
उनीहरूले विवाहको तस्बिर सामाजिक सञ्जालमा सेयर गरेका छन्। 'तिमी मेरो चन्द्रमा सुरज र तारा हौं। परीको कथा जस्तै हाम्रो साथ बनिरहोस्। सधैं हाँसिरहनु.. कहिले ठूलो मान्छे नबन्नु.. सधैंको लागि माया, जादु बनाइराख्नु.. मिसेज एन्ड मिस्टर अद्दू-सिद्धू,' उनीहरूले लेखेका छन्।
सिद्धार्थ र अदितिले यसै वर्ष मार्च इन्गेजमेन्ट गरेका थिए। उनीहरू सन् २०२१ देखि प्रेम सम्बन्धमा छन्।
अदितिले 'पद्मावत, मर्डर ३, रकस्टार, बोस, भूमि, धोवी घाट' लगायत फिल्ममा अभिनय गरेकी छन्।
अभिनेता सिद्धार्थले 'रंग दे बसन्ती, गोलियोंकीराजलीलाः रामलीला, खलनायक, युवा, इन्डियन' लगायत फिल्ममा अभिनय गरेका छन्।
