बलिउड निर्देशक विकास बहलले 'उडता पञ्जाब, क्वीन, हंसी तो फंसी, सुपर ३०' जस्ता फिल्म निर्देशन गरेका छन्।
तर सन् २०२३ मा रिलिज भएको फिल्म 'गणपत' ले २० करोड भारू पनि कमाउन सकेन। यसको बजेट २०० करोड भारू थियो। साई-फाई थ्रिलर फिल्ममा टाइगर श्राफ, कृति सेनन, अमिताभ बच्चनलगायत कलाकारको अभिनय थियो।
जब फिल्म रिलिज भएको थियो फिल्मकर्मीहरू निकै आशावादी थिए। तर फिल्मले सोचे जस्तो कमाइ गर्न सकेन। फिल्म फ्लप भएपछि निर्देशक विकास बहलले भनेका थिए, 'मलाई पहिला नै शंका लागिरहेको थियो। थाहा छैन मैले यो फिल्म किन बनाएँ। म के बनाउन चाहन्थे भनेर पनि थाहा थिएन।'
फिल्मलाई समीक्षकहरूले पनि नकारात्मक समीक्षा दिएका थिए।
