बलिउड अभिनेता शाहरूख खानको फिल्म 'जवान' जापानमा रिलिज हुँदैछ।
शाहरूखले आफ्नो सामाजिक सञ्जालमार्फत उक्त जानकारी दिएका हुन्। यो फिल्म नोभेम्बरमा जापानको हलमा रिलिज हुनेछ।
शाहरूखले पोस्टर सेयर गर्दै लेखेका छन्, 'एक कहानी न्यायको... बदलाको... भिलेन र हीरोको... एक कहानी जवानीको... आउँदैछ जापानको हलमा पहिलो पटक! अब एक प्रश्न रह्यो– रेडी? त्यो फायर र एक्सन जसलाई तपाईहरू सबैले निकै माया दिनुभयो। जापानमा जवान २९ नोभेम्बर रिलिज हुनेछ।'
यस फिल्मले विश्वभरबाट ११०० करोड भारू कमाएको थियो।
एटली कुमारले निर्देशन गरेको फिल्ममा शाहरूखसँगै नयनतारा, विजय सेतुपथी, दीपिका पादुकोणलगायत कलाकारको अभिनय छ। फिल्ममा गौरी खानको लगानी छ।
