अक्षय कुमार अभिनीत फिल्म 'हाउसफुल' को अहिलेसम्म ४ पार्ट रिलिज भइसक्यो। यी चारै फिल्म बक्स अफिसमा सुपरहिट साबित भएका छन्।
गतवर्ष 'हाउसफुल ५' को निर्माण घोषणा गरिएको थियो। यसमा अक्षय कुमार, रितेश देशमुख, अभिषेक बच्चन, फरदीन खान, सञ्जय दत्त, ज्याकी श्राफ, नाना पाटेकर र चंकी पाण्डेको पनि अभिनय रहनेछ।
अब फिल्मका निर्माण साजिद नाडियाडवालाले अभिनेतापछि पाँच अभिनेत्रीको नाम सार्वजनिक गरेका छन्। फिल्ममा ज्याकलीन फर्नांडिज, नरगिस फाखरी, सोनम बाजवा, चिद्रांगदा सिंह र सौन्दर्या शर्माको अभिनय रहनेछ।
यो फिल्म सन् २०२५ जुन ६ देखि रिलिज हुनेछ।
