बलिउड अभिनेता राजकुमार राव र अभिनेत्री तृप्ति डिमरी अभिनीत फिल्म 'विक्की विद्याका वो वाला भिडिओ' को ट्रेलर सार्वजनिक भएको छ।
बिहीबार टि सिरिज युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा एक सिडी चोरी भएपछिको कथा देखाइएको छ।
राज शान्डिल्यले निर्देशन गरेको फिल्ममा राजकुमार र तृप्तिसँगै मल्लिका शेरावत, विजय राज, अर्चना पूरन सिंहलगायत कलाकारको अभिनय छ। राजकुमार र तृप्तिले पहिलो पटक एकसाथ काम गरेका हुन्।
यो फिल्म ११ अक्टोबरदेखि रिलिज हुनेछ।
