बलिउड अभिनेता अक्षय कुमारले एक्सन र कमेडी फिल्ममा आफूलाई सावित गरिसकेका छन्।
हालै उनको जन्मदिनमा प्रियदर्शनसँग फिल्म 'भूत बंगला' घोषणा गरिएको छ। यो हरर र कमेडी फिल्म हो। यसै फिल्ममार्फत १४ वर्षपछि अक्षय कुमार र प्रियदर्शन एकसाथ काम गर्दैछन्। यसपछि उनी तेलुगू फिल्ममा देखिने भएका छन्।
उनी विष्णु मान्चू निर्देशित फिल्म 'कनप्पा' मा देखिनेछन्। यस फिल्ममार्फत उनी तेलुगू फिल्ममा डेब्यू गर्दैछन्। निर्देशक विष्णुले फिल्मबाट अक्षय कुमारको जन्मदिनको अवसर पारेर एक पोस्टर सार्वजनिक गरेका छन्। सार्वजनिक पोस्टरमा अक्षय भगवान शिवको अवतारमा देखिनेछन्।
'कनप्पा' सत्य घटनामा आधारित फिल्म हो। फिल्मलाई प्यान इन्डियाले रिलिज गर्नेछ।
