अक्षय कुमार अभिनीत फिल्म 'हाउसफुल' को अहिलेसम्म ४ पार्ट रिलिज भइसक्यो। यी चारै फिल्म बक्स अफिसमा सुपरहिट साबित भएका छन्।
गतवर्ष 'हाउसफुल ५' को निर्माण घोषणा गरिएको थियो। यसमा अक्षय कुमार बाहेक फरदीन खान, सञ्जय दत्त, रितेश देशमुख, अनिल कपूर, ज्याकलीन फर्नाडिज र चंकी पाण्डेको पनि अभिनय रहनेछ। अब फिल्ममा ८० दशकका अभिनेता पनि जोडिएका छन्।
भारतीय सञ्चारमाध्यम बलिउड हंगामाका अनुसार 'हाउसफुल ५' मा ज्याकी श्राफ जोडिएका छन्। ज्याकीले सन् १९८३ मा फिल्म 'हीरो' बाट आफ्नो अभिनय यात्रा सुरू गरेका थिए।
यो फिल्म सन् २०२५ जुन ६ देखि रिलिज हुनेछ।
