बलिउड अभिनेता सलमान खानले फिल्म 'सिकन्दर' को छायांकन सुरू गरेका छन्।
एआर मुरूगादासले निर्देशन गरिरहेको फिल्ममा अभिनेत्री रश्मिका मन्दना र काजल अग्रवालको अभिनय रहनेछ। भारतीय सञ्चारमाध्यम हिन्दुस्तान टाइम्सका अनुसार फिल्ममा सलमान भ्रष्चारविरूद्ध लड्नेछन्।
यस फिल्मलाई साजिद नाडियाडवालाले निर्माण गर्दैछन्। यसअघि उनले सलमानसँग 'मुझसे शादी करोगी', 'किक' जस्ता फिल्ममा काम गरेका थिए।
यो फिल्म सन् २०२५ को इदमा प्रदर्शन हुनेछ।
सलमान पछिल्लो समय 'किसीका भाइ किसीकी जान' मा देखिएका थिए। फरहाद सामजीले निर्देशन गरेको फिल्ममा पूजा हेगडे, वेंकटेश, शहनाज गिल, राघव जुयाललगायत कलाकार देखिएका थिए।
