बलिउड अभिनेत्री तापसी पन्नूको आगामी फिल्म 'गान्धारी' को औपचारिक निर्माण घोषणा भएको छ।
तापसीले आफ्नो सामाजिक सञ्जालमार्फत फिल्मको घोषणा गरेकी हुन्। 'भन्छन् आमाको आशीवार्द सधैं साथ हुन्छ। तर जब उनको बच्चालाई केही भयो भने उनी काली पनि बन्छिन्,' उनले लेखेकी छन्।
यस फिल्मको कथा कनिका ढिल्लोंले लेखेकी हुन्। यो फिल्म ओटिटी प्लेटफर्म नेटफ्लिक्समा रिलिज हुनेछ।
फिल्ममा तापसी आमाको भूमिकामा देखिनेछिन्। फिल्मको कास्ट र प्राविधिक टिम घोषणा गरिएको छैन।
पछिल्लो समय तापसी 'फिर आई हसिन दिलरूबा' मा देखिएकी थिइन्।
