बलिउड अभिनेता राजकुमार राव र अभिनेत्री श्रद्धा कपूर अभिनीत फिल्म 'स्त्री २' ले भारतीय बक्स अफिसमा राम्रो कमाइ गरिरहेको छ।
यो फिल्मले शाहरूख खान अभिनीत फिल्म ‘पठान’ लाई पछि पार्दै दोस्रो धेरै कमाउने हिन्दी फिल्मको रेकर्ड राखेको छ। भारतीय सञ्चारमाध्यम आजतकका अनुसार ‘पठान’ ले ५२४ करोड ५३ लाख भारू कमाएको थियो भने ‘स्त्री २’ ले ५२५ करोड ७० लाख भारू कमाएको छ।
हालसम्म सर्वाधिक कमाइ गर्ने हिन्दी फिल्मको रेकर्ड शाहरूख खानको ‘जवान’ हो। यस फिल्मले ५८४ करोड भारू कमाएको थियो।
अमर कौशिकले निर्देशन गरेको फिल्ममा राजकुमार र श्रद्धासँगै पंकज त्रिपाठी, अभिषेक बनेर्जी, अपारशक्ती खुरानालगायत कलाकारको अभिनय छ।
