पछिल्लो समय अक्षय कुमारको फिल्मले बक्स अफिसमा राम्रो कमाइ गर्न सकेका छैन।
यस वर्ष उनका तीन फिल्म प्रदर्शनमा आए। यी फिल्मले पनि औसत व्यापार गर्यो। पछिल्लो फिल्म 'खेल खेल में' बाट उनी कमेडी जनरामा फर्किए तर यो फिल्मले पनि अक्षयको अन्य कमेडी फिल्म जस्तो कमाइ गर्न सकेन। अब उनको जन्मदिनको अवसर पारेर नयाँ फिल्म घोषणा गरिएको छ।
यो एक हरर कमेडी फिल्म हुनेछ। जसको नाम 'भूत बंग्ला' हो। अक्षयले आफ्नो इन्स्टाग्राम मार्फत फिल्मको एक मोशन पोस्टर सेयर गरेका छन्।
'मेरो जन्मदिनमा तपाईहरूको मायाको लागि धन्यवाद! यस वर्षको उत्सव 'भूत बंग्ला' को फर्स्ट लुकको साथ! म १४ वर्षपछि प्रियदर्शनसँग काम गर्न पाउँदा निकै खुशी छु। यस अविश्वसनीय यात्रा तपाईहरूसँग सेयर गर्न धेरै पर्खन सक्दिनँ,' उनले लेखेका छन्।
यस फिल्ममा कियारा आडवाणी, कीर्ति सुरेश र आलिया भट्टको अभिनय रहने बताइएको छ। तर निर्माण टिमले औपचारिक जानकारी दिएका छैनन्।
