बलिउड अभिनेत्री श्रद्धा कपूर र राजकुमार राव अभिनीत फिल्म 'स्त्री २' ले बक्स अफिसमा राम्रो कमाइ गरिरहेको छ।
१५ अगस्टदेखि रिलिज भएको फिल्मले बक्स अफिसमा नयाँ-नयाँ रेकर्ड राखिरहेको छ। भारतीय सञ्चारमाध्यम बलिउड लाइफका अनुसार फिल्मले २१ दिनमा ५२० करोड भारू कमाएको छ।
यो फिल्मको बजेट ५० करोड भारू बताइएको छ। यस फिल्मले भारतमा मात्र नभई विश्वव्यापी रूपमा राम्रो कमाइ गरिरहेको छ। फिल्मले विश्वभरबाट ७०० करोडभन्दा बढी कमाइ गरेको छ।
अमर कौशिकले निर्देशन गरेको फिल्ममा राजकुमार र श्रद्धासँगै पंकज त्रिपाठी, अभिषेक बनेर्जी, अपारशक्ती खुरानालगायत कलाकारको अभिनय छ।
