बलिउड अभिनेत्री श्रद्धा कपूर र राजकुमार राव अभिनीत फिल्म 'स्त्री २' ले बक्स अफिसमा राम्रो कमाइ गरिरहेको छ।
१५ अगस्टदेखि रिलिज भएको फिल्मले बक्स अफिसमा नयाँ-नयाँ रेकर्ड राखिरहेको छ। ५० करोड भारू बजेटमा बनेको फिल्मले ५०० करोडबढी कमाइ सकेको छ। भारतीय सञ्चारमाध्यम बलिउड लाइफका अनुसार फिल्मले सोमबार ६ करोड भारू कमाएको छ।
फिल्मले २० दिनमा ५१५ करोड भारू कमाएको छ। योसँगै 'स्त्री २' ले 'कल्की २८९८ एडी' को रेकर्ड तोडेको छ। 'कल्की २८९८ एडी' ले २० औं दिन ५ करोड १ लाख भारू कमाएको थियो।
अमर कौशिकले निर्देशन गरेको फिल्ममा राजकुमार र श्रद्धासँगै पंकज त्रिपाठी, अभिषेक बनेर्जी, अपारशक्ती खुरानालगायत कलाकारको अभिनय छ।
