बलिउड अभिनेत्री करीना कपूर खान अभिनीत फिल्म 'द बकिंघम मर्डर्स' को ट्रेलर सार्वजनिक भएको छ।
मंगलबार बालाजी मोशन पिक्चर्स युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा १४ वर्षका मुस्लिम युवालाई हत्याको आरोपमा पक्राउ गरेको देखाइएको छ। फिल्ममा करीना जासुसको भूमिकामा देखिएकी छन्।
हंसल मेहताले निर्देशन गरेको फिल्म गतवर्ष जियो मामी फेस्टिभलमा प्रिमियर भएको थियो। फिल्ममा करीनासँगै ऐश टन्डन, रणवीर बराड, कीथ एलनलगायत कलाकारको मुख्य भूमिका छ।
यसै फिल्ममार्फत करीनाले निर्माताको रूपमा डेब्यू गरेकी छन्। फिल्ममा उनीसँगै शोभा कपूर, एकता कपूरको पनि लगानी छ।
यो फिल्म १३ सेक्टेम्बरदेखि प्रदर्शन हुनेछ।
