बलिउड अभिनेत्री श्रद्धा कपूर र अभिनेता राजकुमार राव अभिनीत फिल्म 'स्त्री २' पाँच सय करोड क्लबमा समावेश भएको छ।
१८ औं दिनमा ४८ करोड ७ लाख कमाउँदै फिल्म ५०० करोड क्लबमा समावेश भएको हो। भारतीय सञ्चारमाध्यम दैनिक जागरणका अनुसार फिल्मले विश्वभरबाट १८ दिनमा ५९५ करोड कमाएको छ।
यसले तेस्रो विकेन्डमा ५०० करोड क्लबमा समावेश हुने फिल्म 'बाहुबली २' को रेकर्ड तोडेको छ। 'स्त्री २' ले सात वर्ष पुरानो रेकर्ड तोडेको हो।
यो फिल्म घरेलु बक्सअफिसमा यसवर्षको सर्वाधिक कमाइ गर्ने हिन्दी फिल्म समेत हो।
अमर कौशिकले निर्देशन गरेको फिल्ममा राजकुमार र श्रद्धासँगै पंकज त्रिपाठी, अभिषेक बनेर्जी, अपारशक्ती खुरानालगायत कलाकारको अभिनय छ।
