बलिउड अभिनेता राजकुमार राव फिल्म 'स्त्री २' को सफलतामा रमाइरहेका छन्।
यस फिल्मले भारतीय बक्स अफिसमा नयाँ-नयाँ रेकर्ड राखिरहेको छ। फिल्मले १७ दिनमा ४५८ करोड १५ लाख भारू कमाएको छ। यसैबीच अभिनेता राजकुमार रावको पहिलो फिल्मको पारिश्रमिक कति थियो भनेर खुलासा भएको छ।
उनले दिवाकर बैनर्जीको फिल्म 'लभ सेक्स और धोखा' बाट बलिउडमा डेब्यू गरेका थिए। उनले यस फिल्मको लागि ११ हजार भारू पारिश्रमिक लिएका थिए।
उक्त कुरा उनी आफैले एक पडकास्टमार्फत खुलासा गरेका हुन्। 'मैले पहिलो फिल्मको लागि धेरै पैसा त पाएको थिइनँ। पहिलो फिल्मको लागि ११ हजार भारू पाएको थिए तर पैसा मेरो लागि महत्वपूर्ण थिएन,' उनले भने।
'लभ सेक्स और धोखा' सन् २०१० मा रिलिज भएको थियो। फिल्मले बक्स अफिसमा राम्रो कमाइ गरेको थियो।
अब राजकुमार फिल्म 'विक्की विद्याका वो वाला भिडिओ' मा देखिनेछन्। फिल्ममा तृप्ति डिमरीको पनि मुख्य भूमिका रहनेछ।
