'गली ब्वाय, फोन भूत र गहराइयाँ' जस्ता फिल्ममा अभिनय गरेर अभिनेता सिद्धान्त चतुर्वेदीले हिन्दी फिल्ममा पहिचान बनाएका छन्।
उनै अभिनेता सिद्धान्त अब एक्सन फिल्ममा देखिने भएका छन्। एक्सल इन्टरटेनमेन्टको ब्यानरबाट बन्न लागेको फिल्म 'युध्रा' मा उनले एक्सन गर्नेछन्।
सोमबार निर्माण टिमले एक पोस्टर सार्वजनिक गर्दै फिल्मको प्रदर्शन मिति घोषणा गरेका छन्। यो फिल्म सेक्टेम्बर २० देखि प्रदर्शन हुनेछ।
रवि उदयावरले निर्देशन गरेको फिल्ममा सिद्धान्तसँगै मालविका मोहननको मुख्य भूमिका छ।
युध्रापछि सिद्धान्त 'धडक २' मा देखिनेछन्। करण जोहरले निर्माण गर्ने फिल्ममा सिद्धान्त र तृप्ति डिमरीको अभिनय रहनेछ। यो सन् २०१८ मा आएको फिल्म 'धडक' को सिक्वेल हो।
दक्षिण भारतीय अभिनेत्री मालविका फिल्म 'द राजा साब' मा देखिनेछिन्। फिल्म मालविका र प्रभासको अभिनय रहने छ।
