नितेश तिवारीको फिल्म 'रामायण' लामो समयदेखि चर्चामा छ।
रणवीर कपूर र साई पल्लवीको अभिनय रहने फिल्म बलिउडकै महँगो फिल्म बताइएको छ। फिल्मलाई भव्य बनाउन निर्माण टिमले कुनै कसर छोडेका छैनन्। फिल्मका लागि स्टार कास्टदेखि लिएर कस्टुमसम्मको सानो सानो कुराको ख्याल राखिएको छ। अब यस फिल्ममा हलिउड अभिनेता टेरी नोटरी अनुबन्धित भएका छन्।
यस फिल्ममा उनी अभिनयको लागि होइन एक्सन सिक्वेन्स निर्देशन गर्नेछन्। टेरी नोटरी हलिउडका चर्चित एक्सन निर्देशक हुन्। उनले 'अवतार, एभेन्जर्स एन्ड गेम र द प्लेनेट अफ द एप्स' जस्ता फिल्ममा मोशन क्याप्चर प्रस्तुतकर्ताको रूपमा काम गरेका छन्।
