बलिउड तथा हलिउड अभिनेत्री प्रियंका चोपडाको फिल्म 'द ब्लफ' को छायांकन सकिएको छ।
प्रियंकाले सामाजिक सञ्जालमा एक तस्बिर सार्वजनिक गर्दै उक्त जानकारी दिएकी हुन्। सार्वजनिक तस्बिरमा उनकी छोरी मालती, श्रीमान निक जोनस र आमा मधु चोपडा पनि देखिएका छन्। प्रियंकाको उक्त पोस्टलाई दर्शकले मन पराइरहेका छन्।
प्रियंकाले सामाजिक सञ्जाल इन्स्टाग्राममा २० वटा तस्बिर पोस्ट गरेकी छन्। पहिलो तस्बिरमा उनी श्रीमान निकसँग देखिएकी छन्। यसपछि उनले छायांकन स्थलको केही तस्बिर सेयर गरेकी छन्।
एक भिडिओमा मालती आफ्नो बुवासँग मस्ती गरिरहेकी देखिन्छिन्। प्रियंकाले छायांकन स्थलमा जति मज्जा लाग्यो, घर जान पनि त्यति नै खुसी लागेको बताएकी छन्।
